Friday, January 19, 2018

Bulkang Mayon, Alert level 3 pa giraray maski naglie low nin diit - Philvolcs


Legazpi City - Mantinidong nasa Alert level 3 pa man giraray an bulkang Mayon sa ibong kan pag lie low kan mga aktibidades sa nakalihis na 24 oras.

Base sa Seismic monitoring system kan Philvolcs, 24 rockfall events asin sarung volcanic earthquake na sana kuta an nairehistro.

Segun kay Mr. Ed Laguerta, Resident Volcanologist kan Philvolcs-Legazpi, padagos pa daa kaya an pagbulos kan lava sa Miisi channel na ngonyan lampas ng 4kms an dinalagan.

Halangkaw pa giraray an nairerehistrong gas emission kung saen nakakapagrecord sinda nin 1,478 tonelada kada aldaw na haros 300% na halangkaw kaysa sa ordinarayong 500 tonelada kada aldaw sana.

Reparo man na hubagon pa an lawas kan bulkan na boot sabihon, igwa pa giraray nin magma na posibleng iluwas.

Dahilan kaini, delikado pa man giraray suboot an mga yaon sa 6kms Permanent Danger Zone asin 7kms extended danger zone urog na an mga nasa South West na porsyon kan bulkan siring kan Daraga, Camalig, Guinobatan asin Ligao City.

Sa ngonyan, duwang scenario pa man liwat an pighihiling ninda na mangyayari sa bulkan.

Enot, iyo an posibilidad na magkaigwa nin explosive eruptions asin an ikaduwa iyo an padagos sanang magbulos an lava sagkod na magbwelta na sa normal. (Vince Villar)

Share:

Featured Post

Catandungan Festival 2018: Celebrating 73 years of Independence

The Catandungan Festival is celebrated every October to commemorate the foundation anniversary of Catanduanes as a province independent...