Thursday, January 11, 2018

Brgy Kgd sa Naga City, dakop sa buy bust; P300,000 na shabu nakua


NAGA CITY 1/11/18 (Bicol Standard) – Yaon na ngonian sa laog kan carcel an sarong barangay kagawad, 1 empleado kan ciudad asin 4 na iba pa, na tinuklo kan mga pulis sa buy bust operasyon kasuodmang odto sa Barangay Dimasalang digdi.

Segun sa report kan mga awtoridad nadakop na nasa akto na nag gagamit nin illegal na druga iyo sinda Romeo Calanada y Carser, 50 anyos, incumbent na Barangay Kagawad kan Bagumbayan Norte sa ciudad na ini; Roger Daliva y Lara, 40 anyos, nagtatrabaho bilang parabuno nin orig asin empleado Lokal na gobierno; Randy Palibino y Palacay, 37anyos, para tinda nin prutas; Norman Mendones y Ponte, 39 anyos, para habal-habal; Ronald Palabino y Palacay 39 anyos, kristo sa bulangan asin taga sitio San Rafael, Cararayan; Celso Cepriaso y Calisura, mayo nin trabaho, taga Sta. Cruz; Pedro Ponte y Loreriaga, driver nin padyak; asin Alvin Ferrer y Pesaro, bugaw, na nasa Tabuc Lodge Hotel, Tabuco, digdi.

Nakua sa sainda an carculadong 50 gramos nin pigtutubodan na shabu.

Sabi kan pulis kun ipapabakal nin tingi an illegal na droga pwedeng magkantidad gabos na P300,000.00.

Pig cocompleto pa kan mga awtoridad an saindang imbestigasyon mantang sinusurat an baretang ini.

Idinagdag sa report na haloy nang nasa listahan kan pulis an personang nasambit.
Share:

Featured Post

Faeldon, Jr. faces charge with stiffer penalties

Photo courtesy of Bicol PNP NAGA CITY (Bicol Standard) – Nicanor Faeldon, Jr., the son of the chief of the Bureau of Corrections, is no...