Wednesday, January 17, 2018

'Biological needs' kan mag-agom, saru sa tututukan kan Albay PDRRMC

Legazpi City - Makaulok man sa iba, alagad reyalidad suboot kan buhay na may mga “pangangaipo” o biological needs suboot an mga mag agom na yaon sa evacuation centers na dapat tawan atensyon kan Lokal na Gobyerno kan Albay.

Segun kay Dr. Cedric Daep kan APSEMO, dapat suboot na mawara na sa termino kan kadaklan an “mabahog nin orig” na iyo an pigkakantyaw sa mga mag agom na naghahali sa evacuation centers ngani mag uli para miyentras sa saindang residensiya.

Kan pagtuga kan taong 1993, nauso an terminong ini asin sagkod ngonyan kada vez may evacuation minalataw pa sa mga kararawan.

Segun kay Daep, may mga medyos naman sindang ginibo kan panahon asin dadagdagan pa sa ngonyan.

Kabale sa mga naisip na lakdang ni Daep iyo an pag escort sa mga mag agom pauli saindang residensya alagad makalihis an sarung oras kakatukon an mga ini ngani magbalik liwat sa evacuation centers.

Kan naka aging mga pag ebakwar, nagtao pa nin passes sa mga hotel an Gobyerno sa mga mag agom o kaya  nagbugtak nin “Love House” sa mga evacuation centers alagad dae suboot naging epektibong maray kun kaya pag iisipan pa ninda kun ibabalik ini.

Pinaka maray na ideya suboot an mag istrikto sa bilang kan pamilya sa laog kan sarung classroom.

Dapat suboot na 8-10 families sana an yaon sa laog asin kanya kanya na sanang bugtak nin mga division.

Kada paka pamanggi, Mabugtak man nin mga palabas siring kan cartoons para sa mga aki asin mga musikero para sa gabos.

Tinawan doon ni Daep na an pangangaipong sekswal kan mag agom an dae suboot pwedeng pabayaan kan gobyerno.

Sa dakol na beses suboot niyang pag obserba sa mga evacuation centers, comon na nagigibg problema ini kan mga mag agom apwera sa pagkakan asin kabuhayan kan pamilya.

Miyentrastanto, tatawan man atensyon an pagbubugtak nin pasimidad para sa mga daraga asin mga nagpapadudo nin mga aki.

Sinabi ni Daep na dapat maging gender sensitive an mga evacuation centers.

Dahilan kaini kun kaya prayoridad man an pagkonstruir nin mga nursery rooms para sa mga lactating mothers mantang lugar nin sanglian man para sa mga kadaragahan. 

Sa presente, labi 5 mil ng pamilya o sobra 25 mil ng persona na an mga nasa evacuation centers sa bilog na probinsiya nin Albay. (Vince Villar)
Share:

Featured Post

Catandungan Festival 2018: Celebrating 73 years of Independence

The Catandungan Festival is celebrated every October to commemorate the foundation anniversary of Catanduanes as a province independent...