Thursday, January 25, 2018

Big bang sa Mayon, Posible pa - Philvolcs


LEGAZPI CITY  Bako pa harayo na magkaigwa nin mas dakulang pagsabog o inaapod na "Big Bang" an bulkan Mayon maski pa ngani paminsan minsan nagbabawas ini nin pressure sa paagi kan episodic lava fountaining sa nakalihis na pirang aldaw.

Si Mr. Paul Alanis kan Philvolcs, Science and Research Department

Segun kay Mr Paul Alanis, kan Science and Research development kan Philippine Institute of Volcanology and Seismology o PHILVOLCS, an garu pattern na nahihiling kan mga tawo sa Mayon, na kada ika 4 o 5 na oras nagtutuga, an saru suboot na sistema kan bulkan na garu nagrere-charge o nagtitipon nin kusog ngani bumuga utro.

Depende sa natitipon kaining kusog, iyo an mahihiling na dakulang amount kan ash column asin lava fountaining na mahihiling sa crater o bunganga kan bulkan.

Sa paaging ini, nababawasan an pressure kan bulkan.

Alagad, dae suboot pwedeng ipag kampante ini kan mga Albayano dahil ta may nahihiling pa sindang senyales nin magma na nag iitaas na pwedesir magresulta nin major eruption.

Enot ng sinabi ni Dir Renato Solidum na an pagtuga kan Mayon ngonyan an maikukumpara sa nangyari kan taong 1968, 1984, 2000 asin 2001 na matapos an pirang aldaw na lava fountaining nagkaigwa pa man liwat nin major eruption.

Sa presente, nagtitiner pa liwat sa alert level 4 an bulkan huli ta kun pagbabasehan an mga seismic signals na napag oobserbaran kan ahensiya, harayo pang isakat ini sa level 5.
Share:

Featured Post

Give the gift of creativity with Arog Kaito art fair in Daet!

DAET, Camarines Norte (Bicol Standard) -- Bicol Standard is a proud sponsor of a two-day art fair featuring the finest young creatives of...