Monday, January 15, 2018

Assesment Team kan PhilVolcs, Maabot ngonyan na aldaw


Sarung team gikan sa Philvolcs Central Office an maabot ngonyan na aldaw sa Albay ngani magtabang sa assesment kan bulkan na significanteng maray para sa decision making kan PDRRMC.

Segun kay Dr. Cedric Daep, may darang auto pilot na 6 wings drone an mga ini na papalayugon sa ibabaw nin crater ngani mahiling kun anong side kan bulkan an peligroso sa pagbulos kan lava.

Sa ngonyan, sa parteng Brgy Miisi, Daraga, o South West kan bulkan magbubulos an mga natunaw na gapo o lava puon pa kasubanggi.

Paliwanag ni Daep, kun bumulos nin 4-8kms per day an lava paibaba, maaapekataran na kaini sa mga masunod na aldaw an mga pananom sa pamitisan kan bulkan asin posible an bush fire urog kun mag init an panahon.

Inapod ni Daep na Quiet type of eruption kan lava an nangyayari ngonyan na senyales na mahiwas asin nakakabwelo an anuman na debris na pigbubuga kan bulkan.

An siring suboot kaining sitwasyon an maray huli ta kun piot, macausa ini nin mas matinding pagsabog.

Miyentrastanto, an nasabing assesment team iyo an may kaiba man na mga eksperto sa paggibo nin drone, kun saen, pwede an mga ini magtuturo sa mga CDRRMO/MDRRMO na gumibo nin kabangang milyon na kantidad nin drone alagad 100 mil sana an gagastuson sa materyales.

An autopilot drone an importante na maray ngani dae na maggamit nin helicopter sa pagsagibo nin aerial survey na madara pang peligro sa mga sakay kaini.

Kasabay na sa patanid kan Philvolcs an “No Flying” o bawal na pagpalayog kan anuman na aircraft sa ibabaw o harani sa crater kan Mayon. (Vince Villar)

Share:

Featured Post

Post-fiesta cleanup in Naga City

MASSIVE CLEAN-UP. City Hall employees and other participating agencies and volunteers led the Post-Pe├▒afrancia Clean-up Activity yesterday...