Wednesday, January 10, 2018

Alkalde sa Sorsogon, nagtao nin mga military asin police uniforms sa NPA -- PNP


Sorsogon City – Kinumpirma ni Police Senior Supt. Marlon Tejada, Provincial Director kan Sorsogon Police Provincial Office, na totoong igwa nin incumbent na alkalde na nagtao nin mga Military asin Police uniforms sa mga rebeldeng New People’s Army bilang suporta sa mga ini.

Sa intrivista kan Bicol Standard kay Tejada, sinabi kaining nakumpirma ninda ini base sa mga nakukuang impormasyon kan saindang Intel.

Namumundo suboot siya sa pangyayaring ini dahil ta  posibleng makapagpababa nin morale sa saindang mga pulis na maaraman na may tawong gobyerno na nagsusuporta pa sa mga kalaban.

An pagtao kaya suboot nin mga bagay lalo pa kun uniporme kan tropa kan gobyerno, nangangahulugan na “by heart” an pagsuporta kan local na opisyal na ini.

Saru suboot ining acto nin pagtraydor huli ta dapat yaon sa gobyerno kan Pilipinas an loyalty kaini alagad mas piniling itao sa kalaban na deneklara ng terorista.

Sa presente, nagtitipon na suboot nin maninigong ebidensiya asin naghahanap nin testigo an PNP ngani na masangatan nin kaso kun kinakaipuhan an nasabing opisyal.

Kun babalikan, saru an nagadan na pulis sa Gubat, Sorsogon, kan sakyadahon ini kan mga naka unipormeng pang suldados mantang nagbabantay sa outpost.

Segun kay Tejada, Nag alangan suboot an mga pulis na magpaputok huli sa paghuna na katropa ninda an mga nagsakyada.

Dahil kaini kun kaya nagpatanid an opisyal lalo na sa army na mag ingat huli ta dahil may uniporme man kan Pulis an mga NPA, posibleng gibuhon man ninda ining decoy laban sa mga suldados.

Apwera sa nasabing opisyal, nagkapira pa suboot na elected officials kan probinsiya an saindang tinututukan kaiba na an nagkapira suboot na miyembro kan media.
Share:

Featured Post

DOST-Bicol turns over P23-M projects to state U, college

By Connie Calipay LEGAZPI CITY -- The Department of Science and Technology’s (DOST) office in Bicol recently turned over to a state...