Wednesday, January 17, 2018

Albay, nagsuspinde nin klase ngonyan


Legazpi City – Sinuspinde ngonyan na aldaw, Enero 17, 2018, kan Gobyerno Provincial kan Albay an klase sa gabos na level, pampubliko o pam pribado man.

Sa intrivista kay Dr. Cedric Daep kan APSEMO – Albay Public Safety and Emergency Management Office, sinabi kaini na dahil ini sa magdamlag na uran na nadanasan sa bilog na probinsiya asin sa nakatalaan na maghugpa pa na grabeng uran sa mga masunod na mga oras.

Paliwanag ni Daep, kasubangging alas 10:00 pa sana, naka Yellow warning (MONITOR weather conditions) na an Albay, alagad ngonyan na aga, nakataas na ini sa Orange Warning (ALERT for possible danger and evacuation)

Sa presente, mahibog na panganuron suboot an nakapatos ngonyan bako sana sa ALbay kundi sa bilog na Bicol Region na pwedesir na magdara nin mas matitindi pang uran..

Katakod kaini, inavisuhan man an gabos na mga namamanwaan na mag ingat bako lang sa baha kundi pati man sa landslides.

Pipapreparar man an gabos para sa posibleng evacuations.

Miyentrastanto, matinding mga pagbaha man an nadadanasan sa probinsiya kan Catanduanes huli sa magdamlag man na pagbulos nin pag uran.

Sa banwaan kan Virac, nagsagibo nan in rescue operation sa barangay Gogon, huli ta sagkod iksan (beywang) na an baha.

Dahil digdi, nagpaluwas nan in kasuguan si Mayor Sammy Laynes na minasuspinde kan klase puon Kinder sagkod High School. (Vince Villar)

Share:

Featured Post

Catandungan Festival 2018: Celebrating 73 years of Independence

The Catandungan Festival is celebrated every October to commemorate the foundation anniversary of Catanduanes as a province independent...