Wednesday, January 17, 2018

Albay, duwang beses na naglinog kasubagong mag agahon


Legazpi City - Duwang beses na nakamati nin paglinog an nagkapirang lugar sa Albay ngonyan na mag agahon, Enero 17, 2018.

Sa intrivista kan Bicol Standard kay Philvolcs Director Renato Solidum, sinabi kaini na enot na namatian an magnitude 2 na linog bandang alas 12:01 nin mag agahon sa may parte kan Ligao City (coordinates 13.30N, 123.58E).

An ikaduwang linog namatian bandang alas 12:37 na nin mag agahon sa parte na kan banwaan kan Oas (coordinates, 13.31N, 123.57E)

May kusog ining 3.1 magnitude.

Kasabay kaini, namatian man an Intensity 3 sa Legazpi City.

Pirang segundos man sana suboot an pigdurar kan linog.

Tulos man na nilinaw ni Dir. Solidum na an linog iyo an dara kan Tectonic earthquake asin bako dahil sa pag alburuto kan bulkan. (Vince Villar)

Share:

Featured Post

Give the gift of creativity with Arog Kaito art fair in Daet!

DAET, Camarines Norte (Bicol Standard) -- Bicol Standard is a proud sponsor of a two-day art fair featuring the finest young creatives of...