Tuesday, January 9, 2018

65 anyos na balong babayi, posibleng inatake sa puso, gadan mantang nakikipagdurog sa Legazpi City


LEGAZPI CITY -- Nagsususpetsa an pulisya kan Legazpi City, Albay na an pakikipag durog (sexual intercourse) sa dae namidbid na boypren an dahilan kun kaya nagadan an sarung 65 anyos na balong babayi sa Brgy 28, Victory Village, kan syudad na ini.

Alas 9:30 nin aga, kan Lunes, Enero 8, 2018 kan makuang gadan sa laog kan pigrerentahan niyang harong an biktimang si Rosa (bakong tunay na pangaran), balo, daeng aki, residente kan nasabing baranggay.

Nadiskubre ini kan bisitahon kan saiyang pamangkin.

Segun kay Police Supt, Nilo Berdin, Hepe kan Legazpi City Police Station, dae ng pang ibaba na sulot asin nakataas an bado kan mahiling an biktima sa higdaan kaini na igwa pang kulambo, alagad, wara sindang nahiling na ano pa man na senyales na ini an pig pwersa.

Sa pagtubod ni Berdin, igwa nin boypren an biktima asin kan nasa katahawan nin pagdurog an mga ini, inatake sa puso an babayi alagad binayaan basang kan lalaki.

Sinikap kumbinsiron ni Berdin an mga paryentes kan biktima na ipa otopsiya an bangkay ngani maaraman kun talagang may foulplay, alagad nagsayuma na an mga ini.

Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...