Tuesday, January 16, 2018

3 bangkay kan mga parasisira, nakua sa Tinambac, Camarines Sur


TINAMBAC, CSur - Nalalapa na kan makua kan mga personahe kan philippine coastguard – pcg tinambac an 3 bangkay kan mga parasisirang kairiba sa F/B Jerusalem na narautan asin luminubog sa kadagatang sakop kan Brgy Agay-ayan, Banwaan kan Tinambac, Camarines Sur.

Sa intrivista kay Mrs. Marion A. Ramirez, MDRRM Officer kan nasabing banwaan, binisto an mga parasisira na sinda Delio Villen Andaya, 37 anyos, Junel Alfon Andaya, 18 anyos, asin Eduardo Coronacion, 61 anyos, entering mga taga Panganiban, Camarines Norte.

Nakua an mga ini sa hiwa hiwalay na lugar kan baybayong parte kan nasabing barangay kasuudma, Enero 15, 2018, bandang alas 9:30 nin pagka aga.

Sa istorya ni Ramirez, Enero 10 kan naglawod an F/B Jerusalem sakay an 11 na mga crew alagad petsa 11 kan maglubog ini dara kan raot nin kondisyon kan kadagatan sa parte kan Tinambac.

Nakalangoy pasiring sa gilid an 8, alagad dae sinwerte an tulo.

Sa kabilugan, 12 gabos na mga parasisira sa nasabing banwaan.


Duwa digdi an mga taga Pandan, Catanduanes, na nakauli na kasuudma, asin duwa pa na taga Mercedez, Cam Norte, na nakauli naman kan nakalihis na Enero 12. (Vince Villar)
Share:

Featured Post

Catandungan Festival 2018: Celebrating 73 years of Independence

The Catandungan Festival is celebrated every October to commemorate the foundation anniversary of Catanduanes as a province independent...