Thursday, January 4, 2018

2ng lalaki binadil sa Masbate, gadan


MASBATE CITY – 1/4/18 (BICOL STANDARD) – Duwang tawo an nagadan kan sinda hinapaan sa tinampo asin badilon nin mga dai nabistong mga armadong lalaki sa Barangay Agoho, Esperanza, Masbate.

An krimen nangyari kasuodma, poco mas o menos alas 4:30 nin hapon.

An mga victima iyo sinda Robert Piamonte y Lepitin, 28 anyos, soltero asin Kim Reyes y Pepito, 35 anyos, soltero.

Pareyo sindang residentes kan Barangay San Roque, Esperanza, Masbate.

Kan mangyari an krimen an mga victima nakalunad sa motorsiklo pasiring sa saindang harong.

Sabi sa report, bigla sindang hinipaan sa saindang dalan asin kan mag menor an dalagan kan motorsiklo, tulos sindang binadil.

An mga victima nagsapo nin dakul na tama sa saindang mga lawas, na iyo an naging casusa kan saindang kagadanan.

Marikas na nagdulag an mga criminal pasiring sa dai maaraman na direksyon.

Pig aaram pa ngonian an motibo kan pangyayari.

Share:

Featured Post

Catandungan Festival 2018: Celebrating 73 years of Independence

The Catandungan Festival is celebrated every October to commemorate the foundation anniversary of Catanduanes as a province independent...