Wednesday, January 10, 2018

12 na mga armado, pwersahan na hinabasan an sarung retired teacher sa Masbate


Balud, Masbate - Warang naginibo an sarung 75 anyos na retiradong maestra sa banwaan na ini kan laugon asin pwersahan na habasan kan doseng mga kalalakihan na armado nin haralangkaw na kalibre nin armas kan Lunes na banggi.

Sa report hale sa Balud Municipal Police Station, nangyari an insidente Brgy. Calumpang, kan nasabing banwaan, kung saen binisto an biktima na si Rosalinda Tumangan Y Asucena, 75 anyos, sarong balo.

Segun sa imbestigasyon, nagpapamanggi sa laog kan saiyang residensiya an biktima kaiba an saiyang aki asin tulong makuapo kan biglang luminaog an 4 na mga aramdong lalaki na nakasulog nin camo green na pang itaas asin naghapot kun haen an sarung nagngangaran na Vicvic Layon.

Mantang yaon sa laog an apat, walo pang armado na nagsirbing lookouts an nahiling kan biktima na nakapalibot sa harong niya.

Kan dae makua an hanap, nagharali tulos an mga suspek alagad tinabag kan mga ini an duwang Cellphones, sarung tablet asin kantidad P15,000 na kwarta.

Dae pa nakuntento, antes humarale, sabay sabay pa na nagpaputok kan saindang mga bitbit na armas an mga suspek.

Pagkatapos saka na Duminulag an mga ini pasiring sa poblacion lunad nin duwnag Bajaj 100, sarung XRM asin saru pang RUSI motorcycles.

Nakua sa pinangyarihan kan krimen an mga basyo kan bala gikan sa caliber 7.620 mm, M1 Garand, 7.62 MM carbine, 5.56 M16, caliber 9MM asin caliber 45. 

Sa ngonyan padagos pa an imbestigasyon kan pulisya ngani na mabisto an mga suspek asin maarestar an mga ini. (Vince Villar)
Share:

Featured Post

Use money wisely, UltraLotto 6/58 winners told

Philippine Charity Sweepstakes Office (PCSO) General Manager Alexander Balutan has advised the two lucky winners of the P1.1 billion to u...