Wednesday, January 3, 2018

10 magistrado, matestigo contra ki Chief Justice Sereno


May total nang 10ng mga magistrado kan Korte Suprema an pig lalaoman na matestigo contra ki Chief Justice Maria Lourdes Sereno durante sa impeachment hearing sa House of Representatives.

Sabi kan informante sa laog kan SC, 6 an dagdag na mga magistrado an pig lalaoman na iimbitaran kan House of Representatives bilang resource persons para mag taram dapit sa falsification, mga anomalia asin iba pang irregularidad na suboot nacomitir ni Sereno.

An anom na ini afuera kan tulong incumbent na mga maestrado na enot nang nag testigo sa House Committee on Justice na iyo sinda Justices Teresita Leonardo de Castro, Noel Tijam asin Francis Jardeleza.

Si Ret Justice Arturo Brion nag testigo na man sa House committee.

An source kan baretang ini nagsabi na an mga naka line up na iimbitaran kan Congresso iyo sinda Antonio Carpio, Diosdado Peralta, Lucas Bersamin, Mariano del Castillo, Andres Reyes asin Samuel Martires.

Si Carpio iyo an pinaka senior na maestrado kan Supreme Court, iyo an pwedeng mag taong linaw sa appointment na ginibo ni Sereno kan sarong information technology counsultant na binabayadan nin kantidad P250,000 an kada bulan o P1.5 m sa laog nin anom na bulan, alagad renewable.
Share:

Featured Post

De Asis to run for Naga City Mayor

Nene de Asis NAGA CITY (Bicol Standard) – Naga City may have its first Lady Mayor if City Councilor Cecilia "Nene" V. de Asi...