Wednesday, June 7, 2017

DA 5 exec Dir de los Santos, pig-omaw

PILI, CSur (Bicol Standard) Omaw na maray si Exec Dir Elena B. de los Santos kan Department of Agriculture sa Bicol kan saiyang mga empleado asin mga contratistang nagtatransaksyon sa sinambit na departament.




Sa mga intrevista kan BBS kasuodma sa DA Bicol, haros kayab-kayaban nin pag-omaw si Dir de los Santos huli kan naheheling saiya kan mga empleado na sinceridad sa trabaho, asin honestong pag administrasyon.

Dati, an DA Regional Office No. 5, sinasahotan na ramog-ramog nin corruption an opisina.

Naunambitan kan mga empleado an issue dapit sa pagbakal nin mga farm equipment, pisog na pantanom, asin maski ano na sanang mga patrabaho, lantadan an paghagad nin suhol kan ibang dating opisyal.

Dai na ini nangyayari ngonian.

Afuera kan malinigon asin nagkikilyab na salog kan mga officina sa DA, orog pang ipig oorgulyo kan mga empleado ta garantisado ninda na si director de los Santos dai nagdodotdot asin dai naghahagad na “sop” hale sa dagmang na mga contrata na pig iimplementar kan saiyang opisinang pinapamayohan.

Pig omaw man si Dir. de los Santos kan mga contratista sa DA na sinda mismo an nagtitistigo na mayo nin naghahagad nin “lagay” sa sa DA ngonian.
Share:

Mayor Bongalonta Jr., may 2ng bulan na suspension

PILI, CSur (Bicol Standard) Duwang bulan na preventive suspension contra ki Mayor Tomas Bongalonta Jr., kan Pili, Camarines Sur an inaprobaran kan Sangguniang Panlalawigan kan Camarines.




Si Bongalonta may inaatubang na reklamong administratibo sa junta provincial, huli sa “appoint” niya ki barangay Kgd. David O. Olaguerra, bilang empleado kan gobierno local kan capital town.

An nagsangat nin reklamo contra sa alkalde iyo si Yolanda Berina, an Punong Barangay kan New San Roque, Pili.

Naaraman sa report na hinahalat na sanang firmahan ni Gov. Miguel Luis Villafuerte an “preventive suspension order,” dangan i-seserve ki Bongalonta.

Maroromdoman na afuera kan caso administratibo, si Berina nagplantear man nin separadong Criminal Complaint sa Ombudsman.

Sabi kan complainant pig balga ni Bongalonta an Anti Graft and Corrupt Practices Act ( R.A. 3019), particularmente an Sec 3 (e) kan nasambit na ley.

An guinikanan kan reklamo kontra sa alcalde iyo an pag numbra niya ki Olaguera bilang personal driver/security, na aram niya na elihidong official kan barangay an saiyang pig appoint, kaya suboot bawal.

Mientrastanto, enot pa kaini, sinabi ni Bongalonta na may lagod nin politika an reclamo na isinangat contra saiya.

Si Berina bistadong agit-agitan na kalaban sa politika ni Bongalonta.

Hastang sinusurat an baretang ini, dai aram kun igwa nan in advance na informasyon sa iduduhol saiyang 2ng bulan na preventive suspension.
Share:

NIA inks contracts with 62 Irrigators Association

The National Irrigation Administration (NIA) held the 2nd Irrigators Associations (IAs) Congress on June 6, 2017 at the Villa Caceres Hotel in Naga City, which was participated in by some 200 IA leaders from the six Bicol provinces.




The highlight of the event was the simultaneous signing of the modified Irrigation Management Transfer (IMT) contracts. A total of 62 IAs signed the contracts with NIA covering an area of 18,716 hectares of irrigated farmlands in the region. Under these contracts, the IAs have assumed the responsibility of clearing of lateral canals and the operation & maintenance of secondary irrigation structures and facilities in their respective areas of coverage.

Under the contract, NIA will pay the IAs P1,750.00 for the clearing of every 7 kilometers of lined or concrete canal, and the same amount for every 3.5 kilometers of unlined or earth canal for a period of six months in a year. In addition, NIA will pay the IAs the amount of P150.00/hectares of irrigated and planted area every cropping season.

NIA Administrator Ricardo R. Visaya witnessed the mass contracts signing ceremony. With him during the event were: Naga City Mayor John G Bongat; Silvestre B. Bonto, president of the National Confederation of Irrigators Association (NCIA) and member of the NIA Board of Directors; Pilipina P. Bermudez, NIA-Public Affairs & Information Staff chief; Engr. Bayani P. Ofrecio, NIA Institutional Development Department manager; and NIA Bicol Regional Manager Vicente R. Vicmudo.

In his speech, Administrator Visaya stressed that NIA will continue to construct more irrigation projects in the coming years to improve the farmers’ quality of life.

Mayor John G. Bongat, in his message to the farmers recognized NIA’s contribution to agriculture productivity, which is integral to the economic growth, not just in the Bicol region but also in the entire nation.

The event also gave NIA the opportunity to inform the IA leaders of the salient features of the guidelines on Free Irrigation Service Fee (ISF) program, which took effect during the first cropping season of 2017. With this program in place, NIA ceased collecting ISF from its farmer beneficiaries.

Representatives of the Department of Agriculture (DA) and the Philippine Rice Research Institute (PHILRICE) also discussed their respective programs that will benefit farmers.

Earlier, on June 5, Visaya accompanied by NIA Bicol officials visited the Hinagyanan Dam in Calabanga to see the ongoing works on the replacement of the steel gates of the dam. “30”
Share:

Sunday, June 4, 2017

4 na para dynamita dinakop sa Caramoan, CSur

NAGA CITY (Bicol Standard) Apat na personas na imbuelto sa illegal na pagdakop nin sira an biniritbit kan mga awtoridad pasiring sa hepatura kan pulis sa Caramoan, Camarines Sur tanganing panimbagon sa caso na pagbalga sa RA 10654 (Illegal na pagsira, sa paagui kan pag-gamit nin denamita).





An mga suspechado iyo sinda Jovy Villegas y Abejo, taga Barangay Colongcogong, Caramoan; Jonnel Correo y Alde; Efren Velasco y Correo, pareyong residente kan Barangay Bitaogan, Presentacion, asin si Noel Delos Santos y Salcedo, taga Barangay Bulalacao, Presentacion.

Segun sa imbestigador, magkatuwang an Caramoan Police asin 504th Maritime Police Service sa pagdakop sa mga nasambit na illegal na parasira na naggagamit nit dynamita na inaapod sa lugar na “bigas-bigas.”

An inaapod na“bigas-bigas” na sarong clase nin inimbentong dynamita gibo hale sa mayor na ingredienteng Ammonium nitrate, na ilinalaog sa bote nin arak.

Nakumpiscar sa mga suspechado an 15ng bote na igwa na nin Ammonium nitrate asin piston, asin preparado na sanang sumsuban an mitsa tanganing ibatikal sa grupo nin mga sira na masusumpungan ninda sa may bahawra.

An grupo igwa pang darang “compressor,” hose, asin tanke na gagamiton ninda sa pag buso kan mga sira na magagadan kun putokan na kan dynamita.

Gabos sinda ikinonkon sa carcel kan Caramoan, Camarines Sur mientras na pighahanap na ika sangat an caso contra sainda.
Share:

Simbahan sinalakat sa Del Gallego, CSur

NAGA CITY (Bicol Standard) Linimas kan mga parahabas an gabos na pwedeng pakinabangan sa laog kan “The Church of Jesus Christ of Latter Day Saints” sa Barangay Comadogcadog, Del Gallego, Camarines Sur, kan sarong aldaw (Julio 3).




Segun sa bantay sa simbahan na si Vicente Custodio y Talain, nakalaog an parahabon sa paagui kan pagdistrongkar kan pwerta asin mga jalousies sa bintana.

An nawara na mga gamit iyo an minasunod: 1 unit nin TV na 32”;1 unit nin DVD player; amplifier asin microphone.

Nadiskure ni Custodio na hinabas an mga gamit poco mas o menos alas 6:45 nin aga, kan Sabado.

Isinumbong na an sinambit na pangyayari sa hepatura kan pulis sa banwaan.

Mayo pa nin suspechado sa nangyaring krimen.
Share:

2ng trabahador sa construction nakuryente, pareyo gadan

LEGAZPI CITY (Bicol Standard) — Maka triste an nangyaring aksidente na sinapo ni Glenn Joy Buela, 22, residente kan Barangay Putiao, Pilar, Sorsogon, na binawian nin buhay sa sa Barangay Salvacion, Daraga, Albay.




An victima nagtatrabaho bilang welder sa ginigibong Covered Court sa nasambit na barangay.

Base sa report ngonian na hapon, pig confirmar ni Punong Barangay Justo Lumaban kan Barangay Salvacion na an victima nag wewelding kan trusses kan ginigibong Covered Court kan aksidenteng nakadoot an lawas sa kuryente, kaya nahulog hale sa halangkaw na parte kan saiyang pig tatrabahohan.

Ipinaliwanag sa bareta na nin huli sa pagkahulog kan victima nakatama an saiyag lawas sa kudal na gibo sa angle bars, asin duman siya napugotan nin payo

An ginigibong Covered Court contratado kan Numerical Construction and Supply.

Mientrastanto, si Roger Altiche kan Albay Power Energy Corporation (APEC),  nagsabi na an victima mayo nin protective gear, kaya dapat an gabos kutang trabahador, igwa kun kaini bilang paseguro sa buhay.

Sabi pa ni Altiche, si Buena nakadoot an lawas sa primary line kan kuryente kan dipisil talagang makakasalvar huli sa kusog kan kuryente.

An saro pang construction worker na nabistong si Jay-R Lorenzana, na taga Putiao, Sorsogon an ipig declarar man na gadan na ta nakuryente man.

Nagpapadagos na ginigibo kan pulis an imbestigasyon.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...