Sunday, December 17, 2017

STL, front kan jueteng – PCSO Dir Sandra Cam


MANILA—Dai pa ngani nag iinit an lubot ni Sandra Cam, an dating whistle blower sa sugal na jueteng, nagpaputok na naman siya nin bareta na nagsasabing na 70 kan 84ng Small Town Lottery (STL) outlets sa bilog na nasyon an ginagamit sanang printera kan mga gambling lords sa saindang operasyon sa jueteng.

Si Cam, na minatukaw pa sanang miembro kan Board of Directors kan Philippine Sweepstakes Office (PCSO) nagsabi na pig uusar sana kan gambling lords an an Small Town Lottery tanganing makaoperar sinda nin mga bookies, para makdakul na ganancia.

Solamente 14 sana kan 84ng lisenciadong STL operators an pwedeng toltol asin legal an operasyon.

Nangingiriil an bagong director kan PCSO na bako sanang nagbwelta an illegal na operasyon kan jueteng orog na sa mga provincial na dating popular an sugal.

Mas tinawan nin doon ni Cam na gusto niyang confirmaron kun tama an binabayadan nindang buwis asin an itinataong kaherasan kan mga gobierno local, sa lambang banwaan asin provincial na nag-eexistir an sinambit na sugal na awtorisado kan gobierno.

“Ginagamit kan mga drug lords an fictitious na mga pangaran asin corporasyon para makakua nin frankisa kan STL, pero iyo man guiraray ini si mga dating imbuelto sa jueteng”, pig doonan kan director.

Mayong pag alangan na sinambit ni Cam an pangaran ni Bong Pineda na saro sa nakakua kan 16 kan 18ng frankisa na mag negosyo kan STL.

Nagsahot man si Cam na may mga tawo sa PCSO na pwedeng nag tatao nin protection ki Pineda.

An ibang mga pangaran na nasambit ni Cam na sinasahotan na dating gambling lords iyo sinda Ellie Cabayo kan Quezon, Don Ramon Preza, na alkalde ngonian kan Tiaong, Quezon asin Cesar Reyes kan Batangas.

Kasabay kan mga nasambit na pahayag, sinabi pa ni Cam na preparado siyang ibulgar sa public an mga evidencia na mapatunay kan saiyang mga declarasyon sa media.

Makusog an operasyon kan jueteng sa mga provincia kan Bulacan, Pampanga, Nueva Ecija, Pangasinan asin sa Bicol.
Share:

Featured Post

De Asis to run for Naga City Mayor

Nene de Asis NAGA CITY (Bicol Standard) – Naga City may have its first Lady Mayor if City Councilor Cecilia "Nene" V. de Asi...