Saturday, December 2, 2017

PDEA CSur nakadakop na naman nin drug dealers



NAGA CITY 12/2/17 (BICOL STANDARD) An paka-arestar ki Marilex Arbuis y Comprado kan Nov. 23, 2017, iyo an naging llave para maaraman kan mga ahentes kan Philippine Drug Enforcement Agency (PDEA) an pig guiruikanan kan droga sa Camarines Sur.

An operasyon kan mga ahentes kan PDEA sa Camarines Sur iyo man an naging dalan sa entrapment operation na nagresulta sa pagkadakop ki Ronald Paredes y Javier, Salvador Durana y Casalja, asin Jonathan Lara y Laudato sa Km 27, E. Aguilando Highways, sa Barangay Anabu II, Imus, Cavite, kasuodma (Dec. 1).

Sa nasambit na operasyon nakua kan PDEA an carculadong 300 grams nin shabu hale sa mga suspechado.

Kaibahan sa operasyon na ini an Camarines Sur Provincial Office kan PDEA na pinpamayohan ni Agent Vidal DC Bacolod asin katuwang an PDEA RO4-A na pinapamayohan ni Dir. Archie A. Grande na nasa lindong kan over all supervision ni Dir Christian O. Frivaldo.

An operasyon kan mga awtoridad ginibo alas 2:30 nin hapon sa nasambit na lugar.

Naging madali sa mga tawohan kan PDEA an pag appreherndir kan mga suspechado huli sa mga informasyon na naguno hale sa Ciudad nin Naga.

An mga suspechado yaon ngonian sa poder kan PDEA.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...