Thursday, December 21, 2017

Parakabod nin bulawan sinaksak, gadan


PARACALE, Camarines Norte (Bicol Standard) — Nagsapo nin 15ng hararom na mga saksak si Juanillo Fermin y Villeno, 52 anyos, para kabod huli sa dai pagka-intindihan sa inuman sa Barangay Tugos, sa banwaan na ini.

An suspechado sa krimen iyo si Arnel Jimenez y Rodriguez, 27 anyos, residente kan Purok 1 sa kapareyong barangay.

Base sa imbestigasyon, antes nangyari an krimen, maogmang naghaharampangan sa inuman an victima asin an suspechado, kahampang an ibang mga mga pag-iriba ninda.

Sabi kan mga imbestigasyon, nagkaigwa nin karantyawan an victima asin an suspechado, na nahulog sa pagkapikon kan suspechado.

Kan matapos na an irinoman, nagpuli na sa saiyang pig eestaran an victima.

Nin huli sa kulog nin boot kan suspechado ta inapi siya kan victima, nagsunod ini sa pig eerokan kan biktima.

Inabotan kan suspechado an victima na nagtuturog.

Dai na pinalihis kan suspechado an oportunidad na magbalos, kaya sinaksak niya an kalaban nin 15ng beses sa lawas, na iyong naging causa kan saiyang kagadanan.

Marikas na nagsuko sa pulis an suspechado asin naghahalat na sana kan kaso na isasangat contra saiya.
Share:

Featured Post

Catandungan Festival 2018: Celebrating 73 years of Independence

The Catandungan Festival is celebrated every October to commemorate the foundation anniversary of Catanduanes as a province independent...