Thursday, December 21, 2017

Naglampaw sa Malbogon bridge nakuang bangkay


CALABANGA, Camarines Sur (Bicol Standard) — Nakua na an bangkay kan babae na nagtagbang sa tulay kan Malbogon, Libmanan, Camarines Sur, kan sarong aldaw.

An bangkay iyo si Sheryl Balingbing Mirasol, 31 anyos, residente kan Malbogon, Libmanan, Camarines Sur, nakuang nakadapla sa guilid kan baybayon, na may dakul na nagtutubo na bakawan.

An victima maroromdoman na nagtagbang sa Malbogon bridge sa Libmanan, huli suboot sa magabat na problema sa saindang familya, pakatapos nin dai pagka-intindihan sagkod an siayang agom na nabisto sa pangaran na Gil Mirason y Guiruela.

Nakua an gadan na babae kan sarong residente kan Barangay Balatasan, Camabanga, Camarines Sur.

Nabisto an bangkay kan saiyang tugang na si Noli Balingbing y Pedido, na taga Bagumbayan, Libmanan, Camarines Sur.

Maroromdoman na 2ng aldaw na an naka-agi, si Sheryl tuyong naglampaw sa halangkaw na tulay kan Barangay Malbogon, na makusog an sulog asin hararom an tubig.

Enot pang pig probaran na hanapon an saiyang lawas kan saiyang agom, alagad, kasuodma sana nakua sa bukana kan Bicol River, sa Calabanga, Camarines Sur.

Share:

Featured Post

Use money wisely, UltraLotto 6/58 winners told

Philippine Charity Sweepstakes Office (PCSO) General Manager Alexander Balutan has advised the two lucky winners of the P1.1 billion to u...