Monday, December 4, 2017

Jogger sa Basilica, nahabunan


NAGA CITY 12/4/17 (Bicol Standard)--Pighahanap pa ngonian an suspechado sa pag-ikit kan mga gamit ni Ronald Fabi y Arellano na nagparada kan saiyang motorsiklo sa laog kan compound kan Basilica Church kasoodmang amay na pagkaaga.

Sa report na ipinadara sa BICOL STANDARD, nagjogging an victima sa pag-oltanan kan alas 5:30 asin 6:15 nin aga sa nasambit na lugar sa Barangay Balatas sa ciudad na ini.

Kan magbalik siya sa saiyang vehiculo, nareparo niya na an saiyang wallet na ilinaag sa U-Box nawawara na.

Kaibanan sa mga laog kan wallet iyo an P8,000 na cash, man laen laen na ATM card asin ID, asin iba pang importanteng dokumento.

Segun sa victima, an saiyang motorsiklo ipinarada niya sa atubangan mismo kan Security Guard Outpost.

Padagos pa an pagsiyasat sa oras na sinusurat an baretang ini.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...