Monday, December 25, 2017

Ex-Mayor Salceda, convicted kuta kan Sandiganbayan


LEGAZPI CITY 12/25/17 (Bicol Standard) -- Si dating alkalde kan Polangui, Albay Jesus Salceda Sr. napatunayan kutang nagkasala sa 2004 fertilizer fund scam, alagad antes na magluwas an desisyon kan Sandiganbayan, binawian na siya nin buhay.

Segun sa resolution na may fecha Deciembre 7 asin ipig post sa website kan 1st Divison kan Sandiganbayan, sinabing dai na idadagos an promulgation kan desisyon na nakatalaan kuta sa fecha 2 kan Febrero 2018.

En vez, pig derihiran kan 1st Division kan Sandiganbayan an prosecution team kan Office of the Ombudsman na confirmaron an pagkagadan ni Salceda sa Philippine Statistics Authority.

Si Salceda, 87 anyos, kan binawian nin buhay kan sarong bulan huli sa sari-saring helang asin complicasyon.

Nin huli ta siya gadan na, sa lindong kan Art 89 kan Revised Penal Code, napara nang entero an saiyang kasalan por medio ta binawian siya nin buhay antes kan promulgation kan final na desisyon isinangat saiyang caso.

Share:

Featured Post

Catandungan Festival 2018: Celebrating 73 years of Independence

The Catandungan Festival is celebrated every October to commemorate the foundation anniversary of Catanduanes as a province independent...