Thursday, December 21, 2017

Estudiante nalamos sa resort sa Sorsogon


SORSOGON CITY (Bicol Standard) — Sarong estudiante an nalamos sa Paguriran Beach Resort sa Barangay Sawanga, Bacon District Sorsogon City, kan dai niya kinaya an makusog na alon asin sulog kan dagat sa nasambit na lugar.

An incidente nangyari poco mas o menos alas 3:30 nin hapon (Dec 19), sabi kan mga imbestigador kan pulis.

An victima nabisto sa pangaran na Jason del Ayre Herrera, 21 anyos, eskwela sa SSC-Sorsogon City Campus.

Si Herrera idinalagan pa kuta sa Sorsogon Provincial Hospital sabi kan security guard, alagad mayo na siya nin buhay.

Naaraman sa bareta na an victima residente kan Barangay San Juan Roro, Sorsogon City.

Base sa declarasyon ni John Mark H. Bercasio asin Kennth Deniega, na mantang sinda yaon nag-oorogma sa paboritong lugar sa baybayon, an victima nag probar na mag langoy, apisar kan makusog an alon kan dagat.

Posibleng dai nakaya ni Herrera an darakulang alon asin sulog kan dagat kaya siya inanod asin nalamos.

Nag probar pang magtarabang an saindang pag-iriba para isalvar an victima, alagad nakua ninda an lawas kan saindang ka-eskwela na lamos na.

Kan dinara sa doctor, ipig declarar na ining dead on arrival kan nag attendir na doctor.

Share:

Featured Post

Use money wisely, UltraLotto 6/58 winners told

Philippine Charity Sweepstakes Office (PCSO) General Manager Alexander Balutan has advised the two lucky winners of the P1.1 billion to u...