Thursday, December 28, 2017

COA ki Ex-Mayor San Luis: Iuli sa LGU an P9.4-M na ibinayad sa computerization


Report ni Joe Caguimbal

PILI, Camarines Sur 12/28/17 (Bicol Standard) -- An Commission on Audit (COA) nagpaluwas na nin Notice of Disallowance (NOD) na nagsusugo ki Alexis San Luis, dating alcalde kan Pili 11 pang mga empleyado kan munisipyo na iuli sa munisipyo kan Pili an kwarta ibinayad para sa computerization program.

Sabi kan COA, an kantidad P9,450,000 pesos dapat iuli sa kaban kan Pili bago mag Hunyo 22, 2018.

An kasuguan na ini na may fecha Disyembre 11, 2017 firmado ninda Mesalyn V. Claro, State Auditor IV, Audit Team Leader asin Rosita F. Moreles, State Auditor V.

Naresibi ini ni San Luis asin mga pag-iriba kan Disyembre 22, 2017.

Enot na nagpaluwas nin kwarta an munisipyo si San Luis nin kantidad P5.4M kan Enero 25, 2015 asin an panduwang pagbutas nin kwarta na kantidad P4.05M pesos kan Abril 4, 2016, duwang bulan bago magtukaw si Mayor Tomas Bongalonta.

Sa kapareyong bareta, dai nagpaliwanag an suspendidong alcalde na si Tomas Bongalonta kun igwa o mayo nin sisimbagon an mga konsehal kan munisipyo sa transaksyon na ini.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...