Sunday, December 3, 2017

Bank teller tinadtad nin saksak sa Masbate



MASBATE CITY 12/3/17 (BICOL STANDARD) –Mayo pang nakakabisto kan nag-gadan ki Relan Sumalinog y Arcueno, na sarong teller sa banco na nakadistino sa Cataingan, Masbate.

Sabi kan mga imbestigador, an incidente ipig report sa hepatura kan pulis ni Resurrection Sumalinog, an ama kan victima.

An krimen nangyari poco mas o menos alas 11:00 nin banggui kan Dec. 2, sa Barangay Balocawe, Dimasalang, Masbate.

Sabi sa declarasyon kan ama kan victima, may birthday party sa saindang harong, kan magtindog an victima asin nagpasiring sa National Highway.

An distancia kan lugar, 200 metros sana hale sa harong kan victima.

Nin huli ta dai nagbabalik an victima para mag-atendir kan celebrasyon, sinusog siya kan siyang sobreno na iyo an nakaheling kan nakadapa nang lawas kan victima.

Igwa siya nin mga tinagaan sa lawas, na iyong naging causa kan saiyang kagadanan.

An sabi ni Regie Sumalinog, an sobrino kan victima, mayo siyang naheling na tawo sa lugar na pwedeng iyo an kag gibo kan krimen.

Nagtitiwis pa si dugo sa lawas kan victima kan abotan kan sobrino, kaya dinara pa kuta sa Rural Health Unit kan Dimasalang, Masbate.

Alagad, an sabi kan doctor na nagheling kan mga lugad kan victima, makuri an tama sa lawas asin sa payo, na iyo an ikinagadan.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...