Thursday, December 21, 2017

Babaeng pulis, sinuntok, sinipa, hinabasan pa sa Masbate


LEGAZPI CITY (Bicol Standard) –Sarong babae na miembro kan PNP na taga Ligao City, Albay, alagad distino sa Placer, Masbate an binogbog kan pakatapos na habonan kan mayong trabaho sa residente kan Barangay Katipunan sa nasambit na banwaan.

Si PO1 Melanie Ruivivar y Juarez, 32 anyos, distino sa Placer MPS, pero taga Barangay Calzada, Ligao City, an nagsapo nin mga bakrus asin rungas sa lawas kan siya atrakahon kan suspechadong si Arnel Bertulfo y Tonacao.

An incidente nangyari, alas 3:40 nin aga kan Disyembre 19, mientras na an victima papuli sa saiyang pig-aarkilang boarding house sa nasambit na banwaan.

Enot kaini, hinapot suboot kan victima an suspechado kun ano an saiyang pangaran, para sa seguridad kan mga tawo na nag-eerok sa lugar.

En vez na magsabi kan saiyang pangaran, sinipa pa lugod an victima nan aka sakay sa saiyang service na motorsiklo.

Sinuntok pa an victima sa pandok asin sa ibang parte kan saiyang lawas, dagos inagaw an sling bag kan babaeng pulis na may laog nin mga personal na kagamitan.

Idinalagan sa Municipal Rural Health Unit an victima para ipabulong.

Mientrastanto, na-arrestar kan mga awtoridad an suspechado sa ginibong hot pursuit operation.

Yaon ngonian sa Placer MPS an suspechado, mantang pig pepreparar an mga caso na isasangat contra saiya.

Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...