Tuesday, December 12, 2017

Army saka NPA nagbakbakan sa Sorsogon


Nagkaiga na naman nin encontrada kasuodmang alas 11:30 nin odto sa Provincia kan Sorsogon kan mga miembros kan army asin pulis, kalaban an mga tawohan kan NPA.

An incidente nangyari sa Barangay Salvacion, Magallanes, Sorsogon.

Enot na napalaban an sarong platoon kan 31st IB kan army sa dai makulang sa 30ng mga NPA.

Segun sa report, si ILt Eddie B. Badol kan army an lider kan mga soldados kan gobierno, na nasa regular na pag patrolya, kan makasagupa ninda an dai makulang sa 30ng mga armadong miembros kan NPA, na pinapamayohan ni Edwin Dematera a.k.a “Ka Dupax”, sa may barangay Salvacion, Magallanes.

Naglawig nin 30 minutos si baradilan, pakatapos nag atras na an mga rebeldeng NPA pasiring sa direksyon kan Barangay Biton, Magallanes, Sorsogon.

Mayo nin report na may nalugadan o nakulgan sa parte kan mga soldados, mientras na may sarong nagadan hale sa kampo kan mga NPA.

Nakakua pa an army nin duwang “high powered” na mga badil, hale sa mga nag dudurulag na mga NPA.

Huli kan grabeng baradilan, nagbugtak nin mga blocking force an mga soldados kan gobierno sa mga banwaan na kataid o harane sa pinangyarihan kan laban. Pig dirihiran an mga intelligence operatives na liboton an gabos na mga hospital asin mga clinics tanganing aramon kun igwa pang mga may lugad na NPA na pwedeng pig bubulong sa sainda.
Share:

Featured Post

Masbate OKs FOI ordinance

Masbate Sangguniang Panlalawigan Photo courtesy of Vice Gov. Kaye Revil MASBATE CITY (Bicol Standard) – The Province of Masbate has app...