Saturday, December 23, 2017

Army asin NPA nagbakbakan sa Masbate, 1 an gadan



LEGAZPI CITY 12/23/17 (BICOL STANDARD) -- Saro an nagadan sa madugong baradilan kan mga soldados kan gobiero asin rebeldeng miembros kan New People’s Army (NPA) kasubagong alas 7:15 nin aga sa Barangay Umbongan Diot, Baleno, Masbate.

Base sa report, nagpapatrolya an mga miembros kan 21st Infantry Battalion kan masabatan ninda an dai mabilang na mga rebelde na nagresulta sa biglaan na baradilan.

Afuera kan narecover na bangkay kan NPA, nabawi kan mga soldados hale sa mga rebelde an mga makukusog na calibre nin badil.

Duwang M16 na riple asin sarong M14 an nakua kan mga soldados sa pinangyarihan kan baradilan.

Mayo nin nakulgan o nalugadan sa parte kan mga soldados kan gobierno, sabi sa report.
Share:

Featured Post

De Asis to run for Naga City Mayor

Nene de Asis NAGA CITY (Bicol Standard) – Naga City may have its first Lady Mayor if City Councilor Cecilia "Nene" V. de Asi...