Friday, December 1, 2017

3 lalaki tinaga sa bilaran, suspechado nagdulag


DAET, Camarines Norte (Bicol Standard)—Tulong mga paraoma an pigbubulong ngonian sa Camarines Norte Provincial Hospital Annex, kan sinda taragaon kan suspechadong si Adam Jose Hapak y Die, 34, paraoma, asin residente kan Barangay Old Camp, Capalonga, Camarines Norte.

Sabi kan mga imbestigador an mga victima iyo sinda Aries Brimbuela y Glomar, 36 anyos, Jonathan Brimbuela y Glomar, 34 anyos, na pareyong taga Purok 5, Barangay Old Camp, Capalonga, Camarines Norte asin si Ronnie Taniang, 23, na residente kan Purok IB, kan kapareyong banwaan.
Nagluluwas sa imbestigasyon na antes na mangyari an krimen, an mga victima asin an suspechado nagsusugal nin baraha, mientras na sinda nasa bilaran.
An sabi, aksidenteng nasikyod ni Aries Brimbuela si tukawan kan suspechado, kaya naangot ini.
Nagpuli sa saindang harong tanganing magkua nin sundang, na iyo an ginamit sa pagtigbas kan mga victima.

Pakatapos kan krimen, nagdulag pasiring sa dai madeterminaran na lugar an suspechado.
Pig hahanap pa siya ngonian kan mga awtoridad tanganing panimbagon sa caso na isasangat kan mga awtoridad.
Si sundang na ginamit, pugol ngonian kan mga pulis bilang evidencia kan nangyaring krimen.
Share:

Featured Post

Bicol Central Station to launch online booking and payment portal this week

NAGA CITY (Bicol Standard) – The Bicol Central Station will launch on August 23 its Online Booking and Payment Portal as part of the st...