Friday, December 1, 2017

2ng driver nin motorsiklo, gadan sa aksidente sa Labo, CNorte

Photo: MDRRMO Labo

DAET, Camarines Norte 12/1/17 (BICOL STANDARD) –Pareyo binawian nin buhay an driver kan duwang motorsiklo na nagkabangaan, mantang nagsapo nin mga bakros asin rungas an saindang mga kasuno, sa aksidenteng nangyari sa barangay 7, Banahaw, Labo, Camarines Norte.

An mga victima iyo sinda Edmar Sereno, 28 anyos, asin si Enrico Oning, 48 anyos, na sabatan na nagkasalpakan kan mga motorisiklo na pig mamaneho ninda.

Base sa pagsiyasat na ginibo kan pulis, pareyong marikas an dalagan kan duwang motorsiklo asin head-on collision an nangyari sa lugar kan aksidente.

Si P/Supt. Ricky Camisola, an hefe kan pulis sa Labo, Camarines Norte nagsabi na segun saindang mga imbestigador difisil na mabuhay an mga victima nin huli sa tama sa saindang payo asin lawas.

An mga nakasuno sa sainda pig bubulong ngonian sa hospital.

Mientrastanto, naaraman kan mga imbestigador na pareyong burat an mga drivers kan naaksidenteng motorsiklo kan nangyari an aksidente.

Nagpapadagos pa an pagsiyasat kan aksidenteng ini hastang ngonian.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...