Tuesday, December 26, 2017

2 victima nin 'stray bullets' sa Bicol: DOH


NAGA CITY (Bicol Standard)— Duwang stray bullet incidents an nakalugad nin 41 anyos lalaki sa Camarines Norte kan Dec 21 asin 5 anyos na aki sa Camarines Sur , sa enot na rangkada kan mga nalulugadan kun panahon kan Pasko.

Sa report kan DOH Bicol, namonitor ninda an duwang stray bullet incidents sa primerong 4 na aldaw kan pag monitor kan firecracker-related incidents poon kan Dec 21 hasta Enero 2, 2018.

An DOH Bicol Development Management Officer Jobal Bachilller nagsabi sa mga reporters na an primerong incidente nairecord alas 9: nin aga kan Dec 21 kan an 41 anyos na lalaking victima an idinalagan sa Camarines Norte Provincial Hospital.

Dai na ipinaluwas an pangaran kan natamaan nin stray bullet.

Sinabi sana sa report na siya taga Jose Panganiban, CNorte.

An singko anyos na aking lalaki na natamaan sa saiyang tabay kan bala sa Sitio Ankulan, Barangay Sta Maria, Presentacion, Camarines Sur, kan Sabadong odto.

Pigbubulong an aki sa Bicol Medical Center.

Si Senior Inspector Malu Calibaquib, spokesperson kan PRO 5, nagsabi na an aki tinamaan kan bala hale sa badil kan dai nabistong lalaki na iyo man an nagbadil kan sarong dating army na si Ricky Corbalan, na residente kan nasambit na lugar.

Mientrastanto, an mga official kan DOH nagsabi na 6 an mga incidente nin rebentado na pig report sa Bicol kan Dec 21 abot kasuodmang aldaw kan Pasko.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...