Saturday, December 2, 2017

1 pulis gadan, 6 irido sa ambush sa CNorte

Photo grabbed from Rey Kenneth Oning's Facebook account
DAET, CNorte 12/2/17 (BICOL STANDARD) –Saro an gadan, 6 an may lugad sa mga miembros kan Philippine National Police na tinambangan kan mga armadong lalaki sa Sitio Binuang, Brgy. Daguit, Labo, Camarines Norte.

An incidente nangyari kasubagong ala 1:00 nin amay, ngonian na aldaw.

Nabisto an nagadan na pulis na iyo si PO2 Richard M. Abad, mantang an mga may lugad iyo an minasunod: PO2 Ronald Gutierez, PO2 Ericson De Vera, PO1 Jeffrey Tarrobago, PO1 Pedro Valeros, PO1 Romar Umandap asin PO1 Johnson Espana, na anas nakadistino sa CNPMFC, sa Camarines Norte Police Provincial Office.

Si PSSuspt. Cerilo D. Trilles Jr., an acting Provincial Director kan PPO sa Camarines Norte nagpadara tulos nin mga tawohan asin naabotan an mga mga lugad na pulis sa tinampo.

Idinalagan tulos sinda sa Camarines Norte Provincial Hospital para ipabulong.

An mga miembros kan PNP katuwang an Armed Forces of the Philippines an nagpadara nin mga tawohan tanganing lapagon an mga responsable sa nangyaring ambush.

Pigtutubodan na mga rebeldeng grupo an nasa likod kan incidente.
Share:

Featured Post

TEACHER CORNER | In reading, hope springs

Esteban B. Camano Master Teacher II Gen.T. De Leon National High School The wide spread of illiteracy is still one of the world’s bigge...