RABASERO ni Vince Villar | Huli man daw, Habol pa rin

Iyo na talaga an kinatuudan ta,

Maaksyon pag may nangyari na

Wara labot pag an sitwasyon ok pa

Mapulok pulok pag naperwisyo na

Kunsabagay sabi sa kasabihan daa

Maray ng huri kaysa dae baga

An importante wara ng mangyari pa,

Sa masunod mapupugulan na

Isipon mo an satuyang bulkang Mayon,

Haloy ng yaon kaito pang panahon

Dae lamang baga niyato huhunaon

Igwa palan gusto siyang BABUYON

Kutana kaito pa kita igwang regulasyon,

Pag bawal sa anuman na aktibidad sa Mayon

Urog na kun yaman kaini rarauton

Aabusuhon, kumita sana nin MILYON

Ngonyan sarung ordinansa na an bubusulon,

Ngani an Mayon satong pangatamanon

Irayo sa peligro mga tawong sarawayon

Tawan padusa an ibang madudunong

Huni man bagang ATV riding Operation,

mga turista muyahon asin ugmahon

Uru aldaw yaon sa pamitisan kan Mayon

Darang peligro dae lamang hunaon

Kun warang nangyaring HORORDAPAN

Dae pa lamang kita mapupukawan

Ordinansa an satong kaipuhan

Ngani sinda ma istriktuhan naman

HUri man na masasabi, satuya pa man na pasalamatan

Ining mga nag iskusar, mga honorableng kinatawan

Rañola asin Imperial, saindang pigpangenutan

Pagpasar nin ordinansa, an talaga ng kaipuhan.