Thursday, November 2, 2017

POLANGUI, Albay: Lalaki ginapos, binadil sa daghan, gadan


POLANGUI, Albay 11/2/17 (Bicol Standard) – Gapos an mga kamot asin may tama nin bala sa daghan an bangkay kan lalaki na nadukayan sa Purok 5, sa Barangay Pintor sa banwaan na ini.

Nadiscubre an gadan kasubagong alas 7:00 nin aga.

Sabi kan mga awtoridad an nagpagpa-isi sa hepatura kan pulis iyo si Eric Batalla y Sabater, kan kaparehong barangay.

Mientrastanto, hastang sinusurat an baretang ini dai pa aram an pangaran kan gadan.

Naka-sulot siya nin t-shirt na may markang Nike, checkered na medya pantalon, tsinelas na may strap na yellow an color, mag tattoo sa mag-ibong na kamot.

An saiyang edad, sa pag-oltanan kan 30 hasta 40 anyos, 5’8” sagkod 5’10” an langkaw.

Higot an pagka gapos saiya gamit an color abohon na packing tape.

Nagadan an victima nin huli sa tama kan bala sa saiyang daghan, sabi sa report.

Mayo pang suspechado sa sinambit na krimen an mga imbestigador.
Share:

Featured Post

Suspects in marijuana trade arrested at dormitel in Naga City

NAGA CITY (Bicol Standard) – Two 22-year-old residents of Iriga City were arrested in a buy-bust operation at Orange Dormitel at Barang...