Thursday, November 9, 2017

PLACER: 65 anyos na gurang, rinapado sa payo, gadan


PLACER, Masbate 11/9/17 (BICOL STANDARD) Sarong 65 anyos na gurang na lalaki na nabisto sa pangaran na Pablito Nunez y Hinongo, an nagadan pakatapos na bagohon nin pirang beses.

An suspechado sa krimen iyo si Reynante Cueva y Bacatin, 35 anyos an edad, asin mayo nin trabaho.

An incidente nangyari kasubagong aga, poco mas o menos alas 10:00, sa Barangay Pasiagon, sa banwaan na ini.

Base sa imbestigasyon an suspechado asin an victima pareyong residente kan Barangay Pasiagon.

Sinabi sa imbestigasyon na nagkaigwa sinda nin mainit na diskusyon, na iyo an guinikanan kan krimen.

Mientrastanto, sabi kan imbestigador, an ginamit sa pag gadan sa victima iyo an kaputol na kawayan na ihinaruman sa payo kan gurang na victima.

Pakatapos na mangyari an krimen, nagdulag an suspechado pasiring sa direksyon kan Barangay Burabod, sa banwaan na ini.

Hinahanap pa kan mga awtoridad an responsable sa krimen.

Share:

Featured Post

478 passengers stranded in Bicol ports due to 'Samuel'

PNA file photo LEGAZPI CITY -- The Philippine Coast Guard (PCG) in Bicol on Monday canceled the trips of sea vessels, grounding 478 pa...