Saturday, November 11, 2017

Lalaki hinoldup sa Bula, Cam Sur


NAGA CITY 11/11/17 (BICOL STANDARD) –Pirit na inagaw kan duwang dai nabistong lalaki an kantidad P8,500.00 na cash pati an saiyang cellular phone sa nangyaring holdup sa Barangay San Miguel, Bula, Camarines Sur.

Nangyari an incidente kasubagong alas 11:50 nin aga.

An victima iyo si Marcia Olano y Velasco, empleado kan Bless Microfinance Corporation sa Ciudad nin Naga.

Segun sa declarasyon kan victima, nakalunad saiya sa motorsiklo pasiring sa Barangay Sagrada hale sa Barangay San Miguel, Bula, Camarines Sur.

May nagpara saiya nin duwang lalaki na an saro may armas na badil, na dai aram kun anong calibre.

Mientras na nakapondo si saiyang pig lulunadan na vehiculo, inagaw kan saro sa mga suspechado si llave kan vehiculo, asin si sarong kaiba nagtutok saiya kan armas na badil.

Marikas na maray si mga pangyayari, na pirang segundos sana, nakua na sa saiya an kantidad P8,500.00 asin an saiyang gamit na cellphone.

Pakatapos lang kan incidente nagdulag an mga suspechado pasiring sa direksyon kan Barangay Bagumbayan, Bula.

Mayo pa nin ideya an mga awtoridad kun sisay an mga responsable sa krimen.

An Bula, Camarines Sur an saro sa mga banwaan na usong maray an robbery holdup sa nakalihis na pira nang taon, dugang pa sa report.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...