Friday, November 17, 2017

Kgd. Soltes itatao an bonus sa makatukdo ki Abrasado


TINAMBAC, CSur –“Itatao ko bilang premyo an sakuyang bonus na kantidad P70,000.00, sa sisay man na makakatukdo kun yaon saen si Melchor Abrasado.”

Ini an sabi kan biyong napupungot na si Jonas Soltes, municipal councilor kan banwaan na ini, sa entrevista saiya.

Si Abrasado iyo an empleado kan Tinambac, Camarines Sur na naglalay kan kantidad na P3.4 million, na para kuta sa bonus kan mga empleado kan gobierno municipal.

Hasta ngonian, mayo pa nin informasyon an mga awtoridad kun yaon saen si Abrasado, asin tarabang na an mga awtoridas sa paghinirib kun saen siya tatago.

Idinagdag ni Soltes na naghahalat na kuta an labing 100 na mga regular na empleado asin official kan saindang banwaan na recibihon an year-end na bonus kan gobierno.

Nagsabi an mga official kan banwaan na haloy nang tinitiwalaan si Abrasado, kaya siya an parateng kaibahan sa pag withdraw nin cuarta sa banko.

Maging an ibang official asin empleado kan banwaan na nangangapodan sa saiya na magluwas na asin atubangon an problema, asin i-oli an cuarta na bako man para saiya sana.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...