Saturday, November 18, 2017

ISTORYANG BIKOLNON ni Bert de los Martires | An harong mi mapreskuhon


Kan kami saradit pa, maorogmahon kami na nag estar sa samuyang tablang lanob asin tiklad na harong sa ibabaw nin banwitan na katubigan digdi sa Naga. An burukas asin mayong bintana na balkon iyo magayon pag tukawan sa pagka aga nin pamahaw na yaon an mahibog na tasa nin barako asin pandesal na pig lahid sa mantikilya. An samuyang sala na may mga tukawan na narra iyo an pig titiriponan kun bangui iyo an padagos an turugan nin kubong asin banig, burukas an bintana ta mayong parahabon asin adik, matuninong an palibot.

Maogmang maghirigda matapos an novena asin pamanggi nin Ligo na may kangkong. An harong na ini mayong koryente asin an solamenteng orgullo iyo an radyo tatak Singer na an pig dadanog iyo sinda Eddie Alanis, Fiorel Salvo, Jun Lagrimas, Rufo Tuy, mga dramang Tang tarangtang, Reynante Dantes, Mila Rosa asin Liberty Big Show.

An mga sikat na kanta iyo an a Beatles, Matt Monro asin an mga kawat iyo an soft ball asin Chess. An mga aki naghuhuna na sinda mayaman kun igua nin kusinilla asin petromax. An magpasiring sa Manila sarongzs pangitorogan arog nin pag inom nin Royal namamate sa aldao sana nin kumpleanyo asin kalintora.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...