Saturday, November 25, 2017

Ex-Mayor sa CSur, convicted kan Sandiganbayan


NAGA CITY –11/25/17 (BICOL STANDARD) Inako ni dating alkalde Jesus Rico Sarmiento sa Sandiganbayan na siya nagkasala sa caso criminal na isinangat contra saiya dapit sa pag gamit kan luxury vehicles kan privadong contratista na may transaction sa municipio kan Garchitorena, Camarines Sur kan 2014.

Si Sarmiento dating alkalde kan banwaan na ini.

An desisyon kan 7th Division kan Sandiganbayan na pig promulgar kan Noviembre 10, nagpataw nin sentencia ki Sarmiento na envez mapriso, mag multa na sana nin kantidad P2,000.00. Ini sa rason na siya nag plead “guilty” sa akusasyon sa saiya.

Maroromdoman na kan sarong taon, ipig reclamo si Sarmiento sa Ombudsman huli sa pag gamit niya kan awto kan JM Cofer Construction na may contrata sa nasambit na banwaan.
An sabi kan Sandiganbayan, an gawi kan dating alkalde Sarmiento malinaw na pagbalga sa provision kan RA 6713.
Mientrastanto, nin huli sa pag ako niya kan kasalan, pig considerar ini kan jusgado na “mitigating circumstance”  kaya binabaan si kastigong ipinataw saiya.
Somalemte multang kantidad P2,000.00 an dapat niyang bayadan sa Garchitorena sabi sa desisyon na firmado ni Associate Justice Ma. Theresa Dolores Gomez-Estoesta.
Kan election kan 2016, Si Sarmiento nagkandidato man guiraray sa cargong alkalde kan Garchitorena,  alagad dinaog siya ni Nelson Bueza. 

Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...