Wednesday, November 15, 2017

Dating GM kan PNR, akusado sa Sandiganbayan

Jun Ragragio
Photo from Alfredo Perdon's Facebook account
NAGA CITY 11/15/17 (Bicol Standard)– Isinangat na kan Ombudsman sa Sandiganbayan an duwang kaso nin pagbalga sa Republic Act 3019 (Anti Graft and Corrupt Practices Act) contra ki dating PNR General Manager Junio Norberto "Jun" Ragragio.

Ini an informasyon na hale ki Jigs Magpantay, Vice President kan Citizens Crime Watch (CCW) na iyong orihinal na nagreklamo.

Afuera ki Rargragio, an iba pang mga akusado iyo sinda dating division managers Rosendo Calleja, Abdul Aziz Pangandaman, Estilito Nierva asin Ruben Besmonte, assistant department manager Divina Gracia Dantes, principal engineers Cesar Bocanog asin Mario Arias asin legal counsel Neofito Perilla.

Segun sa akusasyon na pigpreparar ni graft investigation and prosecution officer Leilani Tagulao-Marquez, si Ragrario, nakipag kutsaba sa iba pang mga official kan PNR, nag aprubar kan bayad na nagtotal na P47,134,980 sa Nikka Trading, na may address sa Cityland Herrera Tower asin Salcedo Village, Bel-Air, Makati City.

An bayad itinao sa supplier nin duwang pago sa pagbakal nin 10,490ng pidaso nin bridge ties, 942 na pidaso nin joint ties asin 41ng padir nin switch ties na anas malumoy na kahoy na pig importar sa China.

An pagsangat nin caso sa nasambit na persona inaprobaran ni Ombudsman Conchita Carpio-Morales kan Mayo 19, 2017, alagad pig file sa Sandiganbayan kan Noviembre 7.

Ipig sangat an reklamo kan Citizens Crime Watch, Bicol Chapter kan Abril, 2014.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...