Monday, November 6, 2017

Cong. Andaya para gobernador?



NAGA CITY—“Kun kaipohan, I’m willing to run for governor."

Ini an simbag ni Camarines Sur 1st District Congressman Ronaldo “Nonoy” Andaya Jr., sa entrevista kan BBS FM dapit sa saiyang plano sa politika sa masunod na eleksyon.

Si Andaya nagseserve sa ika tulong turno bilang deputado kan primer distrito. Sakop kaini an mga banwaan kan Del Gallego, Ragay, Lupi, Sipocot asin Cabusao.

“Haloy pa man yan. Mahapot pa ako sa sakong mga pag-iriba. Kaipohan na macombensir ko an sakong sadire na dapat magkandidato sa cargong gobernador,” dugang pa niyang pahayag.

Malinaw an simbag kan deputado na gustohon niyang maray na magdalagan sa cargong gobernador.

Pero, afuera kan ma-consulta sa mga pag-iriba, naghahanap nin guiya por medyo nin pangadyeon na an saiyang pagtapsok sa pwestong ini makakatabang sa mga constituentes kan provincia.

Mientrastanto,sa hapot kun ano an effecto sa politika sa Camarines Sur kan pag-sumpa kan haros gabos nang mga lokal na elehidong official sa PDP Laban, dai niya sinimbag nin direkta an kahapotan.

Idinagdag niya na saiyang pag-iriba sa politika igwa pa nin saro pang grupo na inaapod na PDP na an kahulogan Partidong Dating Pagiriba (PDP).

Tinawan nin doon kan deputado na dai niya papabayaan an mga pag-iriba sa lokal na politika, maski pa nagluluwas na magka-alyado na sinda sa PDP Laban kan administrasyon.

Maroromdoman na an deputado iyo an aki kan dating Congressman Rolando Andaya Sr.

Nagtapos siya nin Business Economics, Major in Legal Management sa De La Salle University, asin graduado nin abogasiya sa Ateneo de Manila University.

Afuera kan pagiging congressman, nagserve man siya bilang Budget and Management Secretary.

An saiyang esposa iyo si Marissa Lirio Mercado. Igwa sindang duwang aki na sinda Rolando M. Andaya IV asin Katrina Isabella M. Andaya.

Tugang niya man an alcalde kan Pasig na si Maribel Andaya-Eusebio.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...