Cheerdancers haleng Iriga City, gana sa world championships

Photo: Iriga City Official

IRIGA CITY—Proud to be Filipino, Proud to be Bicolano, Proud to be Irigueño: ini an pagmati kan mga cheerdancer na hali sa ciudad kan Iriga na naging Champion sa ginibong 9th Cheerleading Championship sa kan Nobyembre 11 hasta 12 ngunyan na taon sa Takasaki Arena, Takasaki City, Gunma Japan.

Nasungkit man lang kaya kan MAG Dancer an Bulawan na medal sa Senior Cheer dance competition asin Double Senior Cheer Dance Competition.

An mga cheerdancer iyo sinda Dannielle Briones Sasaluya, Gericho Canoy, Alice Vargas, Joshua Blanco Belen, Katrina Marvinne Lomanog, Junia Febe, Marie Callos,

Jed Nhiko Cabañes Nagales asin Lorenz Dela Rama.

Si Alkalde Madelaine Alfelor labi an kaugmahan asin pasasalamat sa mga nagpagal para lang matukdol an Kampyunato sa nasambit nang kompetisyon. (ni Joe Caguimbal)