Saturday, November 4, 2017

2 motorsiklo nag-suagan sa Nabua, 1 gadan, backrider irido


NABUA, CSur 11/4/17 (BICOL STANDARD) -- Binawian nin buhay an driver kan motorsiklo na naki-suagan sa saro pang motorsiklo mantang sabatan na nagdadalagan sa tinampo sa Barangay Sto. Domingo sa banwaan na ini.

Sabi sa police report, an pulang motorsiklo na may sidecar asin pig mamaneho ni Job Prestado y Recreo sabatan na nagbanggaan asin an saro pang motorsiklo na nagdadalagan na sabatan an direksyon.

An driver kan kasabatan na motorsiklo iyo si Marion Moriones y Arillas, na igwa nin kasuno (backrider) na an pangaran Meliton Moriones, na parehong residente kan La Purisima digdi.

Mientrastanto, huli kan kusog kan banggaan pareyong nagburulagting an mga driver asin kasuno sa vehiculo, na nagresulta sa mga rungas asin bakros sa lawas ninda.

Alagad, si Marion Moriones nagsapo nin grabeng tama kaya idinalagan sa Mediatrix Hospital tanganing ipabulong.

An sabi kan doctor, mayo na siya nin buhay kan mag abot sa hospital.

Nangyari an aksidente ngonian na hapon (Nov. 4), segun sa report kan mga awtoridad.
Share:

Featured Post

478 passengers stranded in Bicol ports due to 'Samuel'

PNA file photo LEGAZPI CITY -- The Philippine Coast Guard (PCG) in Bicol on Monday canceled the trips of sea vessels, grounding 478 pa...