Wednesday, October 4, 2017

Sa Naga City: Pasaway na driver, pwede nang i-reklamo



NAGA CITY 10/4/17 (Bicol Standard)--Naglansar nin bagong Facebook page an Naga City Public Safety Office, City Events, Protocol and Public Information Office asin kan Arts, Culture and Tourism Office kun sain pwedeng ipaabot an mga reklamo sa mga pasaway na driver kan pampasaherong vehiculo.

An Facebook page, na pig-aapod na "My Pasaway Driver," pwedeng padarahan nin mga reklamo arog kan minasunod:


1. Dai pagpasakay saimo (refusal to convey passenger)

2. Pagsingil nin lampas sa tinalaan na pamasahe (over-charging)

3. Bakong maingat magmaneho (Reckless o Over speeding)

4. Daing data an ugali (Rude)


Kaipuhan an minasunod na detalye sa report.

1. Tunay na Pangaran

2. Petsa, horas asin lugar kan Insidente

3. Body o plate number kan sasakyan

4. Detalye kan Reklamo

Mas marhay man kun may video o retrato, dugang pa kaini.

Afuera kan pagpadara nin mensahe sa Facebook page, pwede man ipaabot por medio kan text o apod sa Naga City Public Safety Office an mga reklamo sa mga abusadong driver o suhestyon sa trafico.

Share:

Featured Post

14ng pasahero sa jeep na nahulog sa Tinambac, salbado na

TINAMBAC, CSur - Binasol ni Municipal Councilor Jonas Soltes an Department of Public Works and Highways (DPWH) sa saindang kapabayaan n...