Sunday, October 8, 2017

Pulis nabadil sa pag responde sa nag huramentadong lalaki sa Guinobatan, Albay


GUINOBATAN, Albay 10/8/17/ BICOL STANDARD) -Sarong miembro kan Guinobatan Municipal Police an nagadan kasuodma sa pag responder sa sarong persona naghuramentado sa may mercado kan banwaan.

Sabi sa pahayag ni PInsp Jason Rey Colico, an pulis na binawian nin buhay iyo si PO2 Herbert Jayson Sambajon.

Base sa informasyon kan PNP, kaibahan si Sambahon sa sa grupo ni SPO1 Allan Fortuna na responde sa sarong incidente na kun saen si Dennis Osila,nagbabalinghaw sa may mercado kan nasambit na banwaan.

An nagsumbong sa hepatura kan pulis iyo si Lolita sin Marwin Mancera.

Mientras na parane an mga pulis ki Osila, bigla na sana siyang binadil kan saiyang kapot na calibre .39ng revolver  Sambajon, na tinamaan sa saiyang daghan.

Nakabalos pa si Sambajon nin putok na lagartong tinamaan man an ngpapasaway napersona.
Idinalagan sa Aquinas Hospital sa Legazpi City si Sambajon, mantang si Osila, idinerecho sa Ligao City, tanganing ipabulong.

Alagad, pareyo sinda ipig declarar na dead on arrival.

Mientrastanto, ipinahayag ni Colico na si Osila kabale sa listahan kan Top 10 priority target sa Guinobanan, Albay kan pulis.

Imbuelto suboot siya bako sanang sa illegal na droga kundi maging sa illegal na pagtinda nin badil.
An nakua sa pinangyarihan kan incidente iyo an sarong calibre .38ng badil na sadire kan suspechado, may 2ng bala asin duwa man na pinaputok nang bala, dangan 6 na iba pang mga bala hale sa saiyang pitaka.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...