Monday, October 23, 2017

Mga kabuhan kan LTFRB sa Cam Sur, nagdadarang badil?


Report ni Joe Caguimbal

NAGA CITY 10/23/17 -- "Pigtutugutan daw ninda na magdara nin haralaba asin haralipot na badil an mga kabuhan kan LTFRB apisar na baku man sinda parte kan pwersa armada kan Pilipinas?"

Ini an hapot na boot ipaabot kan pamayu kan Condor Piston sa Camarines Sur na si Joel Pillogo ki PNP Regional Director CSupt. Antonio Gardiola sa entrevista kan Bicol Standard asin 91.9 BBS FM.

Pakihapot naman daa kun may mga permiso an mga badil ninda, naipahayag ini ni Pillogo ta nakakamati daa sinda nin harassment.

Sinasabi pa ngani na tinatakot daa sinda na kun dai daa magsali o mag-iba sa Tree Planting, dai daa makaka-transakyon sa laog kan nasambit nang oficina.

Mayu pa man pinapaluwas na pahayag an LTFRB sa Bicol dapit sa mga binutasan na pahayag na ini ni Pilloco.

Idinugang pa ni Pilloco na mayo man maraot kun igwa nin programa para sa kapalibutan partikular an tree planting, pero helingun man an mayor na problema sa transportasyon na dapat tawan nin maninigong solusyon.

Haloy na oras sa pagkua nin confirmation, haloy na pagpaluwas kan mga decision o frankesa na pig-renew, kawaran nin transaksyon sa dakulaon na oficina kan LTFRB sa Naga asin aba-a nang sakit makaulay na pamayu kan nasambit nang oficina: pira lang daa ini sa mga problema pa man giraray sa nasambit nang ahensya.

Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...