Maestro sa elementarya, dakop sa buy-bust

Retrato hale sa Canaman MPS

CANAMAN, Camarines Sur 10/23/17 (Bicol Standard) -- Sarong 36 anyos na maestro kan Bataan Elementary School sa Bataan, Tinambac, Camarines Sur an timbog sa buy-bust operation kasoodma sa Progress Homes Subdivision, Brgy. Del Rosario, sa banwaan na ini.

An suspechadong si Bryan Caezar Pederio y Bobis a.k.a "Maestro" nadakop kaiba sinda Berna Magsino y Barsabe a.k.a. "Bern", 25 anyos, mayong trabaho asin residente of Progress Homes Subdivision; Jhodel Nepomuceno y Abellano a.k.a. "Jhodel", 29 anyos, soltero, construction worker asin residente kan Brgy. Calauag, Naga City; Charlotte Caña y Conosta , 28 anyos, mayong trabaho asin residente kan Barangay Calauag, Naga City; asin Salvador Alegre Jr. a.k.a. "Luis Alegre Jr/Tatay" kan Progress Homes Subdivision.

Nasa custodiya na kan PDEA an mga nasambit na persona.