Sunday, October 8, 2017

Lalaki nakuang gadan sa laog kan hotel sa Albay


LEGAZPI CITY –10/8/17 (BICOL STANDARD) Sarong lalaki an nakuang mayo na nin buhay sa laog kan Sampaguita Tourist Inn sa Legazpi City, sa Rizal Street, Barangay Cabangan, kasuodmang magomagayon.

An gadan nabisto sa pangaran na Josel Goingo y Chua, poco mas o menos 40 anyos, taga Barangay Pangpang, Sorsogon City.

Sabi sa report nadiscubre an saiyang bangkay kan security guard kan hotel na si Arnel Acosta, na taga Arimbay, Legazpi City.

An mga nag respondeng miembros kan Albay Emergency Medical Service, sa paagui ni Maylene Capin asin Wilfred Labrador an nagsabi na mayo na nin buhay si Goingo na mag-abot sinda sa lugar.
Dai nasambit sa report na ini an causa kan saiyang pagka gadan.

Mayo pa man nin report an police dapit sa barangay na ini.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...