Tuesday, October 17, 2017

DAET: 17 anyos na adik sa computer games, naghugot

Pexels stock photo

DAET, Camarines Norte 10/17/17 (BICOL STANDARD) – Tinapos kan sarong 17 anyos na soltero an saiyang buhay sa paagui nin pagbitay sa kisame kan saindang harong gamit an nylon na lubid.

An victima nabisto na iyo si Mark Jovit Cosido y Revecencio, residente kan Purok 6, Barangay Alawihao digdi.

Nadiscubre an saiyang malipot nang bangkay kan saiyang ama na si Jovido Cosido y Mirandilla, alas 8:00 nin aga sa laog kan saiyang cuarto, sabi sa report kan pulis.

Antes siyang naghgot narisa na kan saiyang magurang na mamundo an victima asin parate gustong mag solo-solo.

Siring man, pirang semana na an nakaagi an victima inaabot nin amay na aga sa pagpuli sa harong.

Segun sa magurang parate yaon sa computer shop an victima asin na-adik na sa computer games.

Ipinahayag kan mga imbestigador kan pulis na pigreparo ninda an lawas kan gadan asin mayo man sindang naheling na senyal na pwedeng tuyo siyang ginadan.

Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...