Wednesday, October 18, 2017

Corriador sa STL hinoldup sa Labo, CNorte


LABO, CNorte 10/17/17 (BICOL STANDARD) –An ahente kan STL na si Ronnie Aquino y Matcha,hinipaan sa tinampo nin tulong lalaki na may mga armas, dangan pirit na kinua si saiyang dara-darang cuarta na kantidad P3,200.00.

Segun sa report kan pulis si Aquino mapuli na sa saindang harong sa Purok 3,Tulay na Lupa sa banwaan na ini kan siya inabangan kan mga lalaki.

Base sa declaras kan victima, alas 10:20 bangui kasuodma, nakalunad siya sa motorsiklo paghale sa bola kan STL sa Central Plaza kan Daet, Camarines Norte, kan abangan kan mga suspechado nan aka sulot nin bonnet asin armado nin mga badil.

Sabi kan victima, nagbaralintong siya sa saiyang pig lulunadan na motorsiklo ta tinaonan nin barbed wire an tinampo kaya nagsayasay an saiyang darang vehiculo.

Mientrastanto, nagrani saiya an suspechadong naka bonnet asin tinutokan siya nin badil sa loong, dangan nag declarar nin hold-up.

Sabay kinua an saiyang darang cuarta na kantidad P3,200.00 na yaon sa laog kan sling bag.

An saro pang suspechado nagtutuk man saiya nin lancetas.

Pakatapos na makua an saiyang cuarta marikas sindang nagdurulag pasiring sa direksyon kan centro kan banwaan.

Mayo nin plaka an ginamit na motorsiklo kan mga nagholdup kaya dai aram kun sisay an responsable sa pangyayari.

Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...