Sunday, October 8, 2017

Aksidente sa motorskilo sa Tigaon, saro an gadan


TIGAON, CSur 10/9/17 (BICOL STANDARD) Binawian nin buhay an driver kan motorsiklo na nadisgracia sa Barangay Salvacion digdi, kasubagong alas 4:45 nin hapon.

Sabi sa report kan pulis, si SPO1 Perfecto Camu Jr., y Caparanga nakalunad sa saiyang motorsiklo asin nagdadalagan sa tinampo sa nasambit na barangay.

Nakasunod saiya an motorsiklo na pig mamaneho ni Roque Malinesa y Doe na nag overtake sa pampasaherong bus.

Mantang marikas an saiyang dalagan sa pag overtake sa bus, nakabudal siya sa vehiculo ni SPO1 Camu.

Huli kan pagkabudal sa pig susunudan na motorsiklo pareyong nagbrinklo an duwang vehiculo na nagresulta tanganing makaontog an payo ni Malinesa sa tinampo.

Si Camu nagsapo nin mga rungas sa lawas.

Idinagan an duwa sa Tigaon Primary Hospital para ipabulong, alagad, an sabi kan nag asikasong doctor, si Malinesa gadan na.

Si Camu taga Barangay May-anao, mientras sis i Malinesa taga Barangay Panagan, sa banwaan na ini.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...