Tuesday, October 10, 2017

35ng kilos nin badi na tikong, pigkumpiskar sa Albay


LEGAZPI CITY 10/10/17 (Bicol Standard)--35ng kilos nin badi na tikong an pigkumpiskar kan mga tawohan kan pulis sa tabang kan Municipal Agriculture Service Office asin Municipal Health Office kan Oas, Albay, huli sa pagbalga sa Administrative Order 249, series of 2014.

Sabi sa report, si PCI Domingo Tapel Jr., an acting na hefe kan pulis kan Oas, Albay, nakipagcoordinar sa gobierno local dapit sa bagay na ini.

Idinagdag sa bareta na an mga residentes kan banwaan na ini an nagsumbong sa pulis dapit sa pagpabakal kan badi na tikong sa mercado publico kan Oas, Albay.

Ginibo an police operation kasubagong alas 8:30 nin aga.

An operasyon kan mga awtoridad bilang reaksyon sa bareta na duwang aki na taga Presentacion, Camarines Sur an nagadan sa pagkakan nin labas na tikong kan sarong semana.

Huli kan sinambit na bareta na-alarma na naman an mga tawo, na an nadiskitahan iyo an mga paratinda nin badi na tikong sa Oas.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...